Arbeidsbeskrivelser

Styrets leiar 

Arbeidsbeskriving 

  • Vert vald for 2 år.
  • Har ansvar for å leie og førebu styremøta.
  • Representere gruppa på alle hovudlagsmøter.
  • Er den som delegerer og styrer oppgåver som ikkje er definerte.
  • Utarbeider og framfører årsrapporten til årsmøtet i samarbeid med nestleiar og kasserar.
  • Kan, i tillegg til kasserar, disponere handballgruppa sine kontoar.

 

Styrets leiar har også følgjande driftsansvar/-oppgåver

  • Møteplikt og talerett på styremøte i idrettslaget. 
  • Overordna kontaktperson for handballgruppa.
  • Informere om politiattest 
  • Kontaktpunkt til Norges Handballforbund, NHF region vest og idrettskrets 
  • Pådrivar for vidareutvikling av handballgruppa 
  • Ansvar for påmelding av lag til serie og cup 
  • Sørge for å ha tilstrekkeleg med trenarar i forhold til påmeldte lag komande sesong 
  • Ansvar for klubbmail
  • Sørge for tilstrekkleg med treningstimar i hallen for komande sesong 
  • "Ansvar" for drift av klubben 
  • Saman med økonomiansvarleg à ansvar for innkreving av treningsavgifter 
  • Melde på dommarar for komande sesong innan gjeldande frist 
  • Fordeling av arrangement ved oppstart av sesongen mellom dei ulike laga på kampar 
  • Oppfølging av trenarar, lagleiarar og støtteapparat gjennom sesongen 

 

Styrets nestleiar 

Arbeidsbeskriving 

  • Vert vald for 2 år.
  • Vara for leiar i hovudstyret.
  • Vara(og avløyser) for leiar rift andre oppgåver.
  • Elles definerte oppgåver, på same måte som eit ordinært styremedlem.

 

Sportsleg leiar 

Arbeidsbeskriving 

  • Vert vald for 2 år.
  • Er deltakar i idrettslaget sitt sportslege utval.
  • Sportsleg leiar har ansvar for den sportslege verksemda i handballgruppa, mellom anna:
    • Ha oversikt over cupar og andre formar for sportslege aktivitetar saman med dagleg leiar 
    • Halde trenarmøte ved starten på sesongen 
    • Lege til rette for trenarforum og trenarutvikling i samråd med dagleg leiar 

 

Økonomiansvarleg 

Arbeidsbeskriving 

  • Økonomiansvarleg skal ha god oversikt/kontroll over økonomien til handballgruppa. Økonomiansvarleg skal vidare sørgje for gode rutinar, utarbeide budsjett, føre rekneskap og sørgje for at styret er oppdatert på den økonomiske statusen til gruppa. Økonomiansvarleg er ansvarleg for drifta av klubben i samsvar med budsjettet.

 

Økonomiansvarleg

  • Disponerer alle bankkontoar.
  • Er ansvarleg for betaling av signerte rekningar.
  • Legg fram økonomisk oversikt til styret når dei ber om det (både i hovudlaget og handballgruppa).
  • Ha oversikt over "kassa".
  • Fører rekneskap for gruppa saman med leiar, og legg fram budsjettet for styret ved årets slutt.
  • Har i samarbeid med dagleg leiar ansvar for: 
    • Billettsal i hallen 
    • Dommaroppgjer 
    • Andre dugnadar

 

Attestansvarleg 

Arbeidsbeskriving  

  • Er, i samarbeid med dagleg leiar, ansvarleg for at alle trenarar, dommarar, støttefunksjonar har eit ansvarsforhold for barn og unge under 18 år og leverer gyldig politiattest.
  • Idrettslaget Høyang sine attestansvarlege er knytt til kvar undergruppe,  og leiar i idrettslaget følger opp at alle politiattestar vert framlagt til attestansvarleg i særgruppene. 

 

Dommaransvarleg 

Arbeidsbeskriving 

  • Vervet går gjennom ein sesong
  • Overordna ansvar for dommaransvarleg er å rekruttere, behalde og utvikle dommarar i eigen klubb

 

Dommaransvarleg skal: 

  • Saman med dagleg leiar vere bindeleddet mellom region og klubbens dommarar og dommararbeidet. 
  • Vere registrert i idrettens system.
  • Sørgje for at det kjem dommarar til alle kampar der dommarar frå klubben er sette opp.
  • Hjelpe klubbens dommarar ved forfall og følgje opp dommarar i samband med treningskampar og trening. 
  • Begynne arbeidet med den påfølgjande sesongen i god tid.
  • Samarbeide med dagleg leiar om dommarkurs.
  • Sjå til at klubben sørgjer for riktig og naudsynleg dommarutstyr.

 

Klubbhuskontakt 

Arbeidsbeskriving 

  • Klubbens kontaktperson mot regionen og arbeidet med klubbhuset.
  • Klubbhuskontakten må ha kjennskap til NHF sitt arbeid med klubbhuset, samt vere i jamleg kontakt med regionen om utviklingsarbeidet til handballgruppa.

 

Materialforvaltar 

Arbeidsbeskriving 

  • Ha god oversikt på utstyret klubben eig.
  • Sørgje for å bestille inn utstyret som trengs til handballaktivitetane i klubben etter innspel frå trenarar og lagleiarar (sendast inn på e-post).
  • Sørge for at alle innkjøp vert gjort i tråd med sponsoravtalar.
  • Fremje forslag til styret om større innkjøp. 

 

Arrangementsansvarleg 

Arrangementsansvarleg skal sørge for at arrangementet er planlagt slik at kampar, kampvertskap, sekretariat og kiosk blir gjennomført. Dette må koordinerast med kioskansvarleg, foreldre/spelarar, dommaransvarleg og arrangementsansvarleg. 

 

Forarbeid og planlegging i god tid handlar om å lage oppsett av vaktlister. Mange foreldre likar å legge planar for helgane sine. Det er derfor viktig å legge ut informasjon tidleg om kva tider laget har ansvar for arrangement i Høyangerhallen. Påminning sendast ut når det nærmar seg.

 

Arbeidsoppgåver

  • Gjennomføre heimekampar i Høyangerhallen.
  • Utvikle og revidere årshjulet for arrangement i samarbeid med dagleg leiar.
  • Planlegge, gjennomføre og evaluere arrangement i forhold til årshjulet og gjeldande instruksar saman med arrangementsgruppa og dagleg leiar.
  • Delegere ansvar og involvere flest mogleg foreldre i dei forskjellige oppgåvene/funksjonane i samband med arrangement, med mål om å få ein jamn fordeling av arrangementsdugnadar i handballgruppa.
  • Kjenne til oppsett, bruk og oppgåver i sekretariat ved kampavvikling
  • Gjennomføre opplæring i sekretariatet ved sesongstart.